ம.பி. மாநிலம் சிவ்புரி அருகில் உள்ளது மாயாபுரி கிராமம். இங்கு வசிக்கும் விவசாயி தர்ஷன்சிங். இவரது நிலத்தில் புகுந்த 2 மாடுகள் பயிர்களை மேய்ந்து முற்றிலும் நாசம் செய்தது.
அறுவடைக்கு தயாராக இருந்த பயிர்களை மாடுகள் நாசம் செய்ததால் அவரும் குடும்பத்தினரும் கோபம் அடைந்தனர். 2 மாடுகளையும் பிடித்து கம்பு, கம்பியால் சரமாரியாக அடித்தனர்.
அப்படியும் ஆத்திரம் தீராமல், கிராமத்தில் உள்ள மரத்தில் 2 மாடுகளையும் நேற்று முன்தினம் தூக்கில் தொங்கவிட்டனர். துடிதுடித்த மாடுகள் சிறிது நேரத்தில் பரிதாபமாக இறந்தன.
…
இதுபற்றி போலீசுக்கு ஊர் மக்கள் தகவல் கொடுத்தனர். போலீசார் வந்து விசாரித்தனர். மாடுகளை தூக்கில் போட்டதை தர்ஷன்சிங் உள்ளிட்ட 3 விவசாயிகள் ஒப்புக்கொண்டனர்.
பல்வேறு பிரிவுகளில் வழக்கு பதிவு செய்த போலீசார் அவர்களை கைது செய்து விசாரிக்கின்றனர். மாடுகளை தூக்கில் போட்ட சம்பவம் மத்திய பிரதேசத்தில் பெரும் பரபரப்பை ஏற்படுத்தியுள்ளது.
0 கருத்து:
கருத்துரையிடுக