சுவிட்சர்லாந்தில் பந்தை எடுக்கச் சென்ற வாலிபர் ஆற்றில் மூழ்கி பலி

சுவிட்சர்லாந்திலுள்ள பெர்ன் மாநிலத்தில் உள்ள நிடாவு(Nidau) நகரில் 26 வயது துனீஷிய(Tunisian) என்ற இளைஞர் ஒருவர் ஆர் என்ற ஆற்றில் விழுந்த பந்தை எடுக்கப் போய்த் தண்ணீரில் மூழ்கி உயிரிழந்துள்ளார்.

இந்த ஆற்று நீர் நிடாவு - புரேன்(Nidau-Büren) வாய்க்காலாகப் பிரியும் இடத்தில் இவர் சிக்கியதால் இவரைத் தண்ணீர் வேகமாக இழுத்துச் சென்றுவிட்டது. இந்த வாய்க்கால் நீர் பில் என்ற ஏரியில் போய்ச் சேரும்.

இத்தகவல் கிடைத்ததும் சம்பவ இடத்திற்கு விரைந்து சென்ற பொலிசார் இரண்டு மணிநேரம் இவரைத் தேடியுள்ளனர். 6 மீற்றர் ஆழத்திலிருந்து இவரது உடலைக் கண்டெடுத்துள்ளனர்.